حزنك العادي جدا .. في انكسار
وجعك العادي جدا .. في بساطة
فرحة الطفل جواك بالمطر
أو كتاب
أو فيلم سيما
نوتة قديمة
وردة جواها سليمة
عايشة في حضن الورق
بتفكرك .. أول ما جربت القلق
مكتوب عليك
تدلق دا كله عالورق
تنزف شجن
تنزف حنين
تنزف طفولة تايهة في الوش الحزين
الجرح ساكن جوا ابعد نقطة فيك
اقفل عنيك
لا يبان عليك
انك غريب وسط العنين
4 comments:
شكل المدونة والتدوينات الجديدة تفتح النفس
ماتهجرهاش بقى زي كل مرة
:)
مش ناوي أهجرها ومكنتش ناوي قبل كده .. للأسف انا زي اللي متجوز اتنين .. هنا والطب
والاتنين ليهم حقوق
ولا معدلش يعني .. مش كفاية الجمع بين اتنين
حلوه
بحبها :)
Post a Comment