Wednesday, July 15, 2009

من الأجندة الخضرة .. كراكيب وتفاصيل تافهة للآخرين فقط

حزنك العادي جدا .. في انكسار
وجعك العادي جدا .. في بساطة
فرحة الطفل جواك بالمطر
أو كتاب
أو فيلم سيما
نوتة قديمة
وردة جواها سليمة
عايشة في حضن الورق
بتفكرك .. أول ما جربت القلق
مكتوب عليك
تدلق دا كله عالورق
تنزف شجن
تنزف حنين
تنزف طفولة تايهة في الوش الحزين
الجرح ساكن جوا ابعد نقطة فيك
اقفل عنيك
لا يبان عليك
انك غريب وسط العنين

4 comments:

ملكة said...

شكل المدونة والتدوينات الجديدة تفتح النفس
ماتهجرهاش بقى زي كل مرة
:)

shady said...

مش ناوي أهجرها ومكنتش ناوي قبل كده .. للأسف انا زي اللي متجوز اتنين .. هنا والطب

والاتنين ليهم حقوق

ولا معدلش يعني .. مش كفاية الجمع بين اتنين

سوسه said...

حلوه

Killua said...

بحبها :)